Moderatorja sportive, Lei Kraja, nuk u kursye gjatë bisedës virtuale me ndjekësit mbrëmjen e djeshme.
27-vjeçarja ndau një foto të rrallë familjare në Instastory. Ajo shihej duke pozuar krah dy vëllezërve dhe motrës më të vogël.
“Foto e rrallë me familjen time. Me të vërtetë dua që ta mbaj jetën time private. Vëllezërit dhe motra ime”, shkroi ajo krahas fotos.
Pas kësaj, Lei publikoi edhe një foto të realizuar në makinë, ku shfaqet me motrën dhe ajo që bie në sy është ngjashmëria mes të dyjave.
Një ndjekës i shkroi: “A ke thënë ndonjëherë para pasqyrës: ‘gjithë këtë bukuri kush do ta meritojë’”?
Kraja u përgjigj: “Jo, por që këtë vit do filloj ta them”. Kështu moderatorja seksi nënkuptoi se është single, por dëshiron të nisë një romancë së shpejti.
Moderatorja prej vitesh ka jetuar në Amerikë, deri në momentin që vendosi të rikthehej në Shqipëri për të vazhduar karrierën në televizion.
Së fundmi ajo i është bashkuar edhe spektaklit të njohur të humorit “Portokalli”, duke e provuar veten edhe në fushën e aktrimit.
