Pak kohë më parë u mësua se Luana Vjollca dhe partneri i saj, Krenar Çoçaj, kanë vendosur të hedhin një hap shumë të rëndësishëm në jetën e tyre.
Dyshja do t’i japë fund beqarisë me një ceremoni të vogël, në të cilën do të jenë të ftuar njerëzit e rëndësishëm në jetën e tyre.
Prej disa vitesh, Luana dhe biznesmeni nga Kosova kanë menaxhuar një lidhje në distancë dhe kanë udhëtuar herë në Tiranë e herë në Prishtinë.
Mirëpo, “Prive” ka mësuar së fundmi se çifti kanë finalizuar një kontratë për blerjen e një apartamenti luksoz në Prishtinë.
Luana dhe Krenari kanë blerë një shtëpi në lagjen Arbëria në kryeqytetin e Kosovës. Raportohet se ajo ka një sipërfaqe të konsiderueshme dhe një pamje të mrekullueshme të Prishtinës.
Megjithatë, çifti vazhdon që të vijë në Tiranë për shkak se puna e tyre është pikërisht këtu.
Ndonëse kanë pasur shumë ulje e ngritje në marrëdhënien e tyre, përfshirë edhe mosprezencën e Krenarit në 29-vjetorin e lindjes së moderatores, tashmë duket se 30-vjetori do ta gjejë atë me një status tjetër.
