Amber Heard ka deklaruar në dëshimë e radhës se fotoja e Johnny Depp ku shfaqet me sytë e nxirë është e bërë me ‘photoshop’.
Avokatja e Depp, Camille Vasquez, prezantoi gjatë gjyqit një foto nga muaji i mjaltit i çiftit në 2015, që tregon aktorin e “Pirates of the Caribbean” me mavijosje poshtë syve.
Ylli i Hollywoodit,shfaqej së bashku me ish-bashkëshorten e tij dhe tre persona të tjerë, dhe në foto dukej se kishte shenja të dukshme dhe ënjtje në fytyrë.
Heard deklaroi së fundmi, “E kam parë këtë foto më parë dhe ai nuk është lënduar. Ky është një photoshop”.
Aktorja shtoi se në këtë udhëtim Depp e goditi atë me shuplakë në fytyrë, e kapi nga qafa dhe e shtyu pas murit të një vagoni, megjithatë nuk ka asnjë provë të lëndimeve të supozuara të Heard.
Vasquez tha: “Kjo është e vetmja foto nga muaji juaj i mjaltit që tregon dikë të lënduar”.
Heard pohoi se muaji i saj i mjaltit me Depp ishte ‘i qetë’ derisa ai filloi të pinte alkool:
“Vetë udhëtimi me tren ishte i qetë derisa Johnny filloi të pinte alkool. Ai tashmë kishte filluar të pinte shampanjë”
“Ai po qëndronte në dysheme. Po përpiqesha t’i hiqja krahët nga qafa ime dhe ai po më shtrëngonte qafën për një kohë shumë të gjatë”.
“Sa herë që më tërhiqte nga makina, më përplaste pas murit. Mbaj mend që u përpoqa t’i hiqte krahët e tij nga qafa dhe mbaj mend që donte të më vriste”, vazhdon rrëfimi i aktores.
Truproja e Deppit, Malcolm Connolly, ka deklaruar disa javë më parë në gjyq se e kishte parë artistin me lëndime në fytyrë. Ai theksoi se kurrë nuk kishte parë ndonjë dhunë fizike mes të dyve, por dëshmoi se i dëgjonte Deppin dhe Heard duke u grindur shpesh.
Edhe pse nuk ishte dëshmitar i ndonjë dhune, roja i sigurisë i tha gjykatës se përfundimisht filloi të vërejë gërvishtje dhe lëndime në fytyrën e Depp. Në gjykatë më pas u shfaq fotografia e bërë nga Connolly në muajin e mjaltit të Depp dhe Heard.
NDIQE LIVE "PANORAMA TV" © Panoramaplus.al