Dua Lipa po i kalon pushimet në bregdetin shqiptar dhe çdo moment ka vendosur ta “dokumentojë” në rrjete sociale. Së fundmi, këngëtarja shqiptare me famë botërore ka ndarë me ndjekësit një video të realizuar nga mbrëmja e djeshme.
Ajo shihet duke kërcyer këngë shqiptare popullore, teksa mbi kokë mban një gotë me raki. Lipa shihet e veshur me një fund të ngushtë pas trupit dhe me një bluzë të shkurtër në ngjyrë bezhë. Flokët me onde i ka kapur bisht dhe në video dëgjohet duke kënduar tekstin e këngës teksa kërcen e rrethuar nga familjarët e saj.
“Më thuaj që je shqiptare pa më thënë që je shqiptare”, shkroi artistja krahas imazheve të publikuara, duke i treguar të gjithëve traditat e vendit tonë.
Mes imazheve të shumta nuk munguan as ato me të dashurin e saj Anëar Hadid, me të cilin ka më shumë se dy vite e lidhur.
Dua u prit në Shqipëri nga Kryeministri Edi Rama, kryebashkiaku Erion Veliaj, dhe u takua edhe me ambasadoren Yuri Kim. Këngëtarja shqiptare do të financojë mobilimin e plotë të kopshtit 42 në Tiranë, i cili u dëmtua nga tërmeti i 26 nëntorit në vitin 2019.
Ajo gjithashtu vizitoi edhe Muzeun Historik të Skënderbeut në Krujë, nga ku ndau foto në Instagram-in e saj. Dua ka treguar gjithashtu se ekziston mundësia që së shpejti të vijë me një koncert në Tiranë.
