Aktorja Jonida Vokshi ka rrëfyer së fundmi momentin më të bukur të jetës së saj, por edhe më të vështirë, që është pikërisht ardhja në jetë e vazjës së saj, Emit.
E ftuar tek “E ardhmja është vajzë”, Jonida ka treguar se lindja nuk ka qenë fare e lehtë, pasi vogëlushja ishte lidhur me kordonin dhe ai nuk e linte të dilte.
“Në momentin që Emi po tentonte të vinte në këtë botë dhe unë mes gjithë vështirësive për ta ndihmuar dëgjoj që doktoresha ime tha që Emit i ishte lidhur kordoni.
Ishte e vështirë të dilte, sepse ishte kordoni që e tërhiqte sërish dhe mbaj mend që doktoresha më thoshte se është gjithçka në dorën tënde.
Në kokën time pa pushim qarkullonte vetëm ideja a do të mundem. Aty kam kuptuar se çfarë do të thotë që jeta jote është më e parëndësishme.
Por ja dola dhe kur e kam dëgjuar të qajë, të paktën ajo që kemi ne në dorë, të bëjmë maksimumin. Thjesht na ngelet të shpëtojmë një njeri me aq sa mundemi. Kur e shoh tani Emin jam njeriu më i lumtur në botë”,- tregoi mes lotësh Jonida.
Në fund, aktorja mori edhe një mesazh surprizë nga bashkëshorti, Besnik Krapi, i cili tha se një video 2 apo 3 minuta nuk do të mjaftonte për të folur për të. Ai zbuloi ndër të tjera se edhe propozimin ia kishte shkruar në një letër, sepse e ka shumë të vështirë të shprehet me fjalë.
