Pas një tremujori të tretë të ngarkuar, Microsoft thuhet se do të pushojë nga puna diku midis 1000 dhe 1500 punonjës.
Sidoqoftë, kompania nuk është e vetme, pasi Dropbox njoftoi gjithashtu se kishte pushuar nga puna 500 punonjës në prill 2023 me CEO Drew Houston duke shpjeguar se inteligjenca artificiale luajti një rol të rëndësishëm në këtë vendim.
Gjithashtu UPS (një kompani e madhe transporti dhe logjistike) do të pushojë nga puna 12,000 punonjës pikërisht sepse teknologjia e re e lejon këtë, kjo pasi edhe Google dhe IKEA, tashmë i kanë zëvendësuar punonjësit me AI (inteligjencë artificiale).
Këto vendime me pak fjalë na tregojnë se përdorimi i AI me të vërtetë mund të shkaktojë që mijëra njerëz të humbasin punën e tyre.
A po i zëvendëson tashmë njerëzit inteligjenca artificiale?
Tani për tani, kjo është ajo që po ndodh: disa nga kompanitë po investojnë në IT, duke ulur në të njëjtën kohë kostot në fusha të tjera të biznesit të tyre, duke çuar efektivisht në pushimet nga puna.
Kjo do të thotë se jo, AI nuk po na vjedh punën por sigurisht që po kontribuon në mënyrë indirekte në shkurtimet e pagave dhe vendeve të punës, por kjo nuk do të thotë se nuk po krijohen më vende të reja pune.
“Ne e dimë se viti 2023 ishte viti i AI dhe kompanitë investuan shumë në të”, tha një ekspert për CBS MoneyWatch.
Në thelb, pasoja e drejtpërdrejtë e integrimit të inteligjencës artificiale në teknologjinë e madhe është zhvendosja e mijëra punëtorëve.
Punët që përfshijnë detyra rutinë të përsëritura janë veçanërisht të cenueshme. Rolet administrative, pozicionet e shërbimit ndaj klientit dhe pozicionet e futjes së të dhënave po automatizohen gjithnjë e më shumë, duke çuar në pushimin nga puna të qindra punonjësve.
Pra, ndërsa kompanitë argumentojnë se këto ndryshime janë të nevojshme për rritjen dhe inovacionin afatgjatë, ndikimi afatshkurtër te punëtorët është i thellë.
Por tranzicioni nuk është i kufizuar vetëm në pozicionet e nivelit fillestar. Pozicionet e nivelit të mesëm, duke përfshirë ato në marketing, financë dhe burime njerëzore, gjithashtu janë të rrezikuara.
Aftësia e AI për të analizuar të dhënat, për të parashikuar tendencat dhe për të optimizuar proceset do të thotë se nevojiten më pak punëtorë njerëzorë për të kryer këto funksione. Si rezultat, punëtorët që dikur kishin pozicione të sigurta tani përballen me pasigurinë dhe sfidën e përshtatjes me një treg pune që ndryshon me shpejtësi.
Fuqia punëtore e ardhshme ka të ngjarë të jetë një kombinim i njerëzve dhe inteligjencës artificiale. Shumë besojnë se bashkëpunimi njeri-AI do të bëhet normë.
Ky model hibrid mund të çojë në rritjen e produktivitetit dhe kënaqësisë në punë, pasi punonjësit çlirohen nga detyrat e vogla dhe mund të angazhohen në punë më kuptimplotë.
Ky është sigurisht plani më optimist për të ardhmen, por asgjë nuk është e sigurt.
NDIQE LIVE "PANORAMA TV" © Panoramaplus.al