Olta Gixhari e ruan gjithmonë identitetin e bashkëshortit të saj, ashtu sikurse edhe atë të djalit që kanë bashkë, Amar.
Aktorja ka treguar se partnerit të saj nuk i ka pëlqyer asnjëherë që ta ekspozojnë jetën e tyre private, pavarësisht se Olta është një personazh publik, dhe ajo ka rënë dakord me këtë propozim duke e parë shumë të arsyeshëm.
Mirëpo, mbrëmjen e djeshme, Gixhari ndau me ndjekësit në Instastory disa imazhe krah partnerit të saj, të realizuara në periudha të ndryshme kohore duke i bërë atij një dedikim të bukur.
Ajo postoi një foto ku dyshja shihet e shtrirë në rërë në një nga plazhet e Spanjës, teksa shkëmbejnë një puthje.
“M’ka marrë malli të zhgurritem me burrin brigjeve. Ehhh”, shkroi aktorja.
Gjatë një interviste të dhënë më parë, Olta është shprehur se pavarësisht faktit që e do shumë Shqipërinë dhe se shpesh e merr malli për vendin e saj, mundësitë që i ofrohen familjes së aktores në Spanjë janë shumë herë më të mira.
