Pritjes së ëmbël për modelen e njohur, Greis Petroviç, i ka ardhur fundi.
Bukuroshja është bërë nënë për herë të dytë, duke sjellë në jetë një djalë më 2 dhjetor, por lajmin e gëzueshëm e ka ndarë me të gjithë ditën e sotme, me rastin e Krishtlindjeve.
Ajo ndau me të gjithë ndjekësit në llogarinë e saj në Instagram një foto të ëmbël, ku shihen duart e saj, të bashkëshortit, të vajzës, si dhe të të voglit.
Modelja simpatike zgjodhi që t’i urojë të gjithë ndjekësit në këtë mënyrë, duke shkruar krahas fotos:
“Dhurata jonë e Krishtlindjes! Mirë se erdhe djali ynë Andrea! 02/12/2020
Krishtlindje të bardha e plot shëndet për të gjithë ju! Faleminderit të gjithëve për urimet e përzemërta!
Faleminderit Zot që na bekove me një tjetër engjëll!”- shkroi Greis.
Kjo shtatzëni për modele nuk ka qenë e lehtë, pasi u infektua me Covid-19 kur ishte në muajin e nëntë të pritjes së ëmbël.
Petroviç ka treguar më parë se shtatzënia ishte një surprizë për të në kohë pandemie, e cila i kishte shkaktuar një mori ndjenjash, por nga ana tjetër i ka sjellë edhe lumturi të madhe.
Greis është bërë nënë për herë të parë kur solli në jetë një vajzë, të cilën e pagëzuan me emrin Emel.
