Shumë e konsiderojnë si një aktrim shumë të dobët, por ditën e djeshme në Gjykatë Amber Heardu zmbraps nga frika teksa pothuajse u ndesh ballë për ballë me Johnny Depp.
Aktorja po dilte nga tribuna pasi dëshmoi se si ish-burri i saj e kishte sulmuar seksualisht dhe e kishte kërcënuar se do ta vriste në mars 2015 në Australi. Në të njëjtën kohë, Depp lëvizi nga vendi i tij dhe shkoi drejt avokatëve. Amber u drodh dhe dukej e tmerruar, duke bërë një hap prapa ndërsa zyrtarët e gjykatës u kthyen menjëherë drejt Depp dhe ngritën duart lart, duke e paralajmëruar të qëndrojë larg.
Aktori i ‘Pirates of the Caribbean’ më pas u largua dhe u shfaq duke ngritur supet dhe duke buzëqeshur. Heard u çua në vendin e saj nga zyrtarët e gjykatës përpara se Depp të kalonte nga dera e pasme për të pirë një cigare gjatë pushimit 15-minutësh.
Amber Heard Gets SCARED As Johnny Depp Approaches Her In Court pic.twitter.com/mheJKbHiDL
— HARD FACTOR (@HardFactorNews) May 5, 2022
Ish-çifti kryesisht i është shmangur kontaktit me sy gjatë gjithë gjyqit. Gjatë dëshmisë së Heard, Depp është parë i përkulur mbi një bllok shënimesh ku ai shkruante shënime dhe bënte zhgarravina.
Në dëshminë e djeshme Amber foli rreth një sulmi të supozuar se ndodhi në mars 2015 në Australi në shtëpinë e tyre me qira ku ai jetonte gjatë xhirimeve të “Pirates of the Caribbean 5”. Ky është i njëjti incident ku Johnny Depp tha se ka prerë gishtin. Ai pretendoi se Heard hodhi një shishe drejt tij që e preu atë. Kurse Heard dëshmoi se ajo nuk ishte ajo fajtore e prerjes së gishtit të Depp-it.
“Në një moment ai ishte sipër meje, duke bërtitur: “Të urrej, ti më shkatërrove jetën e mbretit”, dëshmoi Heard duke qarë. “Unë isha në banak, ai mu hodh në qafë dhe ishte mbi mua. Nuk kam qenë kurrë më e frikësuar në jetën time. Ai po më shikonte. Po përpiqesha të flisja me të, të thoja në një farë mënyre se isha unë. Koka ime po përplasej me pjesën e pasme të banakut dhe nuk mund të merrja frymë. Mbaj mend që u përpoqa të ngrihesha për t’i thënë se po më lëndonte vërtet. Nuk mund të merrja frymë. Nuk mund të ngrihesha.”- tha ajo.
Po ashtu, Amber tregoi edhe një episod tjetër që sipas saj ka ndodhur në avion në maj 2014 duke thënë se Depp e goditi pas shpine.
“Ai ishte i zemëruar me mua që mora punën me James Franco. Ai e urrente, urrente James Francon dhe tashmë më akuzonte se kisha diçka fshehurazi me të në të kaluarën time, sepse kishim bërë ‘Pineapple Express’ së bashku”.-tha ajo. Heard përshkroi incidentin e avionit, për të cilin Depp kishte dëshmuar më parë, duke pranuar se kishte qenë i dehur dhe kishte pirë drogë. Heard tha se Depp ishte i mërzitur me të që nuk i kishte treguar për skenat romantike që ajo kishte me Francon.
“Ai më quajti mua k*rvë dhe kjo ndodhir kur truprojat dhe ndihmësit e tij ishin në aeroplan. Unë ngrihem ngadalë dhe ai fillon të më gjuajë me gjëra. Kuba akulli, lugë. Më quajti ‘turp’, çfarë turpi jam? Dukej sikur errësira kishte mbuluar sytë e tij, madje as që më dukej si ai. E ndjej këtë çizme në shpinë. Ai thjesht më goditi pas shpine. Rashë në dysheme dhe u ndjeva sikur po shikoja dyshemenë e avionit për një kohë të gjatë. Askush nuk tha asgjë. Ju mund të dëgjoni një rënie… askush nuk bëri asgjë.” Ajo tha se Depp vazhdoi të pinte dhe filloi të bërtiste si një kafshë përpara se të mbyllej në tualetin e avionit. “E regjistrova në telefonin tim. E dija që Johnny nuk do ta mbante mend atë që kishte bërë.”- u shpreh ajo.
NDIQE LIVE "PANORAMA TV" © Panoramaplus.al