Një motër dhe një vëlla binjakë kanë ardhur në jetë në dy dekada të ndryshme vetëm 30 minuta larg njëri-tjetrit në një spital në Indiana në natën e ndërrimit të viteve.
Jason Tello mirëpriti në jetë dy foshnjat e shëndetshme në ditë të ndryshme, muaj dhe dekada të ndryshme në Carmel.
Joslyn Grace Guilen Tello lindi në orën 23:37 të mbrëmjes së 31 dhjetorit duke u bërë foshnja e fundit e lindur në vitin 2019 në Ascension St. Vincent Carmel.
Ndërsa vëllai i saj Jaxon DeWayne Mills Tello lindi saktësisht 30 minuta më vonë në orën 00:07 në 1 janar.
Jaxon hyri në histori si fëmija i parë i lindur në vitin e ri dhe dekadën e re në Indiana.
“Jemi pa fjalë, e kishim menduar se mund të lindnin në data të ndryshme por morëm një surprizë të madhe. Lindën në data, vite dhe dekada të ndryshme,”- tha babai i fëmijëve Tello.
Sipas prindërve binjakët e porsalindur priteshin të vinin në jetë pas 7 javëve dhe jo tani.
Jason kishte shkuar vetëm për të bërë një kontroll rutinë në spital kur mjekët i thanë se binjakët ishin gati për të ardhur në jetë.
Çifti janë prindër edhe të dy fëmijëve të tjerë 10 dhe 5 vjeç.
