“Mu prish fejesa…”- Ermal Mamaqi rrëfen momentin e sikletshëm me babain në shtëpinë e Amarda Toskës

Ermal Mamaqi dhe Amrada Toska janë sot dy ndër personazhet më të ndjekur në rrjete sociale.

Pavarësisht se dyshja ka qenë e ftuar në intervista të ndryshme, duket se ata kanë gjithmonë diçka të re për të treguar për marrëdhënien e tyre.

Ditën e djeshme, aktori i humorit ishte i ftuar në rubrikën “N’fermë”, ku rrëfeu një moment të sikletshëm që kishte ndodhur ditën që shkoi për të kërkuar dorën e Amardës.

Moderatori tha se babai i tij është një nga njerëzit më me humor që njeh dhe zbuloi se nuk i kishte kursyer batutat as në këtë ditë të rëndësishme.

Ai kishte bërë një shaka, e cila në të vërtetë, ‘i trembi’ të gjithë.

“Kur shkuam tek shtëpia e Amit, para se të futeshim i them babit: ‘përpiqu mos të bësh shumë humor’, se ishte takimi i dytë dhe mos të lëmë nam.

Dhe sa erdhi momenti, ku po rrinim dhe po bënim muhabet, kur Ami kishte marrë shampanjën edhe sa po hapte shampanjën vetëm kur i thotë babi im: ‘Mos e hap atë shampanjë’.

‘Mos’ thash unë. ‘Mu prish fejesa!’ Dhe u tmerruan vjehrri me vjehrrën. Dhe tha pastaj: ‘Po unë nuk po shoh gotat’”,- tregoi Ermali duke qeshur.