Në ditën e tij të lindjes, Adelina Tahiri i bën këtë dedikim romantik bashkëshortit të saj

Sot është një ditë e veçantë për këngëtaren Adelina Tahiri, pasi bashkëshorti i saj feston ditëlindjen.

Me këtë rast, Tahiri i ka bërë një dedikim shumë romantik Serjozha Markov, krahas një fotoje ku shfaqej duke e përqafuar.

“Urime ditëlindjen gjysma ime! Faleminderit që të kam!”, ishte dedikimi i këngëtares.

Adelina dhe partneri i saj e kurorëzuan dashurinë e tyre me martesë dy vite më parë.

Ndërkohë, në gusht të vitit 2018, çifti u bënë prindër për herë të parë, kur Adelina solli në jetë një djalë, të cilin e pagëzuan me emrin Jon.

Pavarësisht paragjykimeve të publikut për bashkëshortin që zgjodhi (duke qenë maqedonas), Adelina nuk ka hequr dorë nga avokati dhe sot duken me të vërtetë një familje e lumtur.

Më herët , e ftuar në “Ftesë në 5”, këngëtarja ka pranuar se ka në plan ta zgjerojë familjen, pasi kurrë nuk do donte që Jonin ta linte vetëm.

Por, duket se kjo nuk është e lehtë për të, pasi shtatzëninë e parë e ka përjetuar shumë keq.