Ellie Goulding ka zbuluar barkun e rrumbullakosur nëpërmjet një seti fotografik, në të cilin pozoi topless.
Kantautorja britanike, 34-vjeç, zbuloi se ishte shtatzënë për herë të parë me bashkëshortin Caspar Jopling në muajin shkurt të këtij viti, shkruan “Mirror”.
Tani që pritjes së ëmbël po i vjen fundi, këngëtarja ka pozuar nudo për revistën “Paper”, duke krijuar një nga kujtimet më të bukura të jetës.
Ajo ka pozuar ose pjesërisht, ose plotësisht nudo, dhe për të mbuluar pjesët intime, ajo ka përdorur bojë. Gjatë intervistës, Ellie tha se kurrë nuk ka qenë në gjendje ta mendojë veten e saj si nënë.
Ellie tha se nëse do të kishte shkuar në turne vitin e kaluar me albumin e titulluar “Brighest Blue”, tani nuk do të ishte më shtatzënë.
Për të fshehur shtatzëninë për gjashtë muajt e parë, këngëtarja tregoi se kishte përdorur pallton e bashkëshortit të saj.
Goulding u martua me Casper në vitin 2019, një vit pasi u fejuan.
