Aplikacionet dhe rrjetet sociale më të përdorura në planet, Facebook, Instagram dhe ËhatsApp, nuk po funksiononin prej disa orësh ditën e djeshme. Të gjithë përdoruesit e tyre nisën të komentonin dhe madje të bënin meme për këtë situatë.
Pas rikthimit në normalitet, Enca Haxhia vendosi që të publikojë në Instastory një status, ku shkroi: “Ohh, instagram-i im i dashur, sa më mungove!”.
Ndjekësit i kanë komentuar Haxhias nëpërmjet mesazheve në “inbox” dhe disa prej tyre këngëtarja vendosi t’i ndajë me të gjithë publikisht.
“Nëse mbyllet seriozisht Instagram-i, ti falimenton si njeri automatikisht”,- i shkruante një ndjekës, së cilit, Enca iu përgjigj: “Po u mbyll Instagram-i im, ti ngel pa punë i pari. Thuaj faleminderit Zotit, faleminderit Allah, faleminderit Buddha”. Më pas ajo shtoi: “Fansat e mi toksik ju”.
E pyetur se çfarë po bënte gjatë kohës që nuk punonte Instagram-i, artistja tha:
“Po jetoja e lumtur jetën time siç kam bërë muajt e fundit, deri diku pak larg rrjeteve sociale. Vetëm maja e ajsbergut të jetës time përfundon në Instagram. Përtej të gjithave e dua shumë Instagram-in, por s’kaloj më shumë se 30 minuta në ditë (maksimumi). Por ju premtoj që do jem më aktive së shpejti”.
