26 Dhjetor, 2017

Nga kamarier në pronar restorantesh në New York, historia e pabesueshme e shqiptarit të sukseshëm


Për Alban Prelvukajn kanë shkruar “Nju Jork Times”, “Forbes”, e shumë media të rëndësishme ndërkombëtare. Restorantet e tij janë në top listën e Nju Jorkut. Në vijim, ndiqni historinë e djalit nga Plava dhe Gucia, i cili shkoi në Amerikë në moshën 17 vjeçare, 17 vite më parë dhe sot është bërë një sipërmarrës mjaft i zoti, një nga shqiptarët më të suksesshëm, që ka krijuar brendin e tij.

“Benjamin Stake House” rrjeti i restoranteve te vleresuar si më të mirët në New York disa herë. Endrra amerikane e bërë realitet nga Alban Prelvukaj. Ai ka rrëfyer për “Pasdite në Top Channel” historinë e jashtëzakonshme: “Sot kam 4 restorante në Nju Jork dhe në Tokio hapa të pestin në korrik të këtij viti. Jam shqiptari i parë me restorant në Japoni. Është shumë i suksesshëm deri tani. Nuk e kam pasur ëndërr Amerikën, por kur nisi lufta në Kosovë dhe gjendja ekonomike u vështirësua, vendosëm që të largoheshim”. 300 punëtorë i kam shqiptarë nga 550 në total.  Unë jam shumë i lidhur me komunitetin shqiptar, pasi dua që t’ia hap derën të rinjve, në mënyrë që të vazhdojnë jetën në Nju Jork.”

NDIQE LIVE "PANORAMA TV"
© Panoramaplus.al