Meri Murrizi ishte konkurrentja që arriti t’i fitonte zemrën princit modern, Saimir Kasemit, në programin “Love Story”.
Mirëpo, pasi dyshja dolën çift bashkë, të gjithë fansat e tyre duan të dinë se si vazhdon marrëdhënia mes dyshes.
Së fundmi, Meri ka dhënë një intervistë për revistën “Bordo”, ku i dha përgjigje pyetjeve më të shpeshta që ndjekësit bëjnë për lidhjen e saj me Saimirin, si dhe duke hedhur poshtë të gjitha dyshimet se marrëdhënia e tyre nuk është reale.
“Marrëdhënia me Saimirin deri tani po shkon shumë mirë, jemi në fazën e parë të njohjes së vërtetë përtej kamerave dhe po përpiqemi t’i kushtojmë kohë njëri-tjetrin duke shkëmbyer mesazhe gjatë gjithë kohës dhe duke folur me kamera.
Dua të përmend edhe që një pjesë e publikut interesohen shumë për marrëdhënien tonë dhe mendojnë se ne nuk jemi bashkë, por thjesht kemi nevojë për pak privatësi”,- ka thënë Murrizi duke i dhënë fund aludimeve të publikut.
Për më tepër, 23-vjeçarja zbuloi se ka takuar familjarë të Saimirit, ashtu sikurse edhe ai familjarë të saj dhe tregoi se ç’mendim kanë të dyja palët për çiftin.
“Të afërmit e mi e kanë pëlqyer që në fillim, sepse thonë edhe pse është rritur jashtë ka taban shqiptari. Nuk mund të them që është një nga pjesëtaret e familjes që nuk e pëlqen, por me vëllain nuk flasim asnjëherë për këtë temë dhe mendoj se nuk e ka të lehtë pasi tashmë atë e kam në vendin e babait dhe mbase pret kohën kur çështja jonë të bëhet më serioze…
Disa ditë pas përfundimit të ‘Love Story’ pata kënaqësinë që Saimiri të më prezantonte me mamanë dhe kushërirën e tij, e cila e ka mbështetur atë përgjatë atyre 3 muajve në program”,- tha Meri.
Për të gjithë ata që menduan se arsyeja pse Meri nuk shkoi në Gjermani bashkë me Saimirin ishte Generda, 23-vjeçarja tha:
“Është ende herët që unë të shkoj në Gjermani tek Saimiri, ky hap për mua është shumë i rëndësishëm”.
Pas thashethemeve se Generda ishte e dashura e vërtetë e Saimirit jashtë emisionit, Meri zbuloi edhe raportin që ka me të tani pas përfundimit të emisionit.
“Generda është një vajzë shumë e mirë, kemi shkëmbyer shumë pak mesazhe me njëra-tjetrën që pas përfundimit të ‘Love Story’”.
Ndër të tjera Meri tha se të dy bëhen xhelozë për njëri-tjetrin dhe nëse do të jetë e shkruar që dyshja të jenë bashkë, atëherë do të pranonte edhe propozimin për martesë nga Kasemi.
