Tirana është qyteti që nuk i le ëndrrat të flenë, por ju ofron mundësinë që të eksploroni dhe të zbuloni çdo qelizë të saj.
Çdo vit me mijëra studentë ulen për herë të parë në auditorët e universiteteve. Për të gjithë studentë që kanë ardhur për të studiuar në universitetet e Tiranës, Bashkia ka përgatitur edhe një guidë orientimi në qytet.
Gjithsesi, ky libër, i cili mund të aksesohet lehtësisht edhe në faqen online të Bashkisë, do të krijojë shumë lehtësira edhe për qytetarët e ndryshëm të cilët dëshirojnë që të njihen me linjat kryesore të autobusit, kinematë, shërbimet, poliklinikat, muzetë dhe galeritë e artit.
Një kapitull i veçantë i është kushtuar atraksioneve të ndryshme turistike që ofron kryeqyteti shqiptar si: Sheshi “Nënë Tereza”, Memoriali “PostBllok”, Piramida, Instalacioni “Reja”, Tyrbja e Kapllan Pashës, Kalaja e Tiranës, Kulla e Sahatit, Xhamia e Haxhi Et’hem Beut, Parku Kombëtar i Dajtit, Kalaja e Petrelës etj.
