Prej më shumë se një jave, Dua Lipa së bashku me të dashurin, Anwar Hadid, dhe familjen e saj, po shijon pushimet në jug të Shqipërisë. Këngëtarja me famë botërore ka ndarë me të gjithë ndjekësit në rrjete sociale foto e video me bikini gjatë ditëve të nxehta.
Para pak orësh, artistja ka publikuar disa foto të tjera, në të cilat shihet e veshur me bikini dhe me një bluzë “crop” ngjyrë rozë. Krahas tyre, ajo shkroi “Nuk dua të largohem kurrë”, duke nënkuptuar se pushimet në vendin e saj po i shijojnë shumë.
Javën e kaluar Dua u vizitua nga djali i madh i Kryeministrit Edi Rama, Greg Rama. Këtë e bëri të ditur vetë Gregu, i cili publikoi në Instagram-in e tij një foto krah Dua-s e një tjetër krah babait të saj, Dukagjin Lipa-s.
Lipa u prit në Shqipëri nga Kryeministri Edi Rama, kryebashkiaku Erion Veliaj dhe gjithashtu zhvilloi një takim me ambasadoren Yuri Kim.
Gjatë qëndrimit të saj, ajo inspektoi punimet në kopshtin e Kopshtit 42 në Tiranë, i cili u dëmtua nga tërmeti i 26 Nëntorit 2019. Këngëtarja shqiptare do të financojë mobilimin e plotë të kopshtit, me kapacitet 300 fëmijë, ndërsa godina po ndërtohet me ndihmën e Fondit të Katarit.
Ajo gjithashtu vizitoi edhe Muzeun Historik të Skënderbeut në Krujë, nga ku ndau foto në Instagra,-in e saj. Dua ka treguar gjithashtu se ekziston mundësia që së shpejti të vijë me një koncert në Tiranë.
