Më 31 mars, Fifi festoi ditëlindjen dhe në këtë ditë të veçantë, këngëtarja mori shumë urime, si dhe surpriza nga fansat e saj.
Mirëpo, të gjithë vunë re një detaj: Urimi i Luana Vjollcës mungonte në Instastory-t e Fifit.
Për këtë arsye, të gjithë nisën të aludonin se mes vajzave ka diçka që nuk shkon.
Fifi u ka dhënë një përgjigje të gjithëve dje dhe ka treguar se mes tyre nuk ka ndodhur asgjë dhe se vazhdojnë të jenë po aq të afërta sa ç’kanë qenë.
“A flet me Luanën, sepse në ditëlindjen tënde nuk pamë urim nga ajo?”, e pyeti një ndjekëse gjatë bisedës virtuale që Fifi bëri mbrëmjen e djeshme.
“E kam marrë urimin privat… ajo është e rëndësishme. Jo çdo dashuri duhet të publikohet”, u përgjigj artistja, duke etiketuar moderatoren dhe duke e shoqëruar shkrimin me një zemër në ngjyrë vjollcë.
Këtë përgjigje, Luana e ka ri-publikuar në llogarinë e saj në Instagram, mbi të cilën shkroi: “Fifi im”.
Pyetjet në lidhje me jetën sentimentale nuk munguan as këtë herë.
“Si ndihesh tani që po bëhesh prapë teze? A mendon se të ka ardhur koha edhe ty?”, e pyeti një tjetër.
“Mezi po pres. Ndërsa për mua, dua shumë që të bëhem nënë, por s’më ka ardhur koha akoma”, shkroi këngëtarja.
