Nuk janë njerëz të këqinj por..! Njihuni me “dyfytyrëshet” e zodiakut

Binjakët

Kjo shenjë është shembulli ideal i asaj që çfarë shihni nuk është gjithmonë ajo që merrni. Binjakët kanë aftësinë të jenë jashtëzakonisht simpatikë dhe të shoqërueshëm, duke ju bërë të mendoni se janë njerëzit më të këndshëm në botë. Por jo gjithçka është ashtu siç duket. Në fakt, Binjakët mund të ndryshojnë sjelljen e tyre në varësi të situatës dhe njerëzve rreth tyre, gjë që i bën ata të duken me dy fytyra. Ata mund t’ju tregojnë njërën anë të tyre teksa e fshehin nën buzëqeshjen dhe personalitetin e tyre të këndshme.

Mos u habitni nëse i kapni duke bërë diçka krejtësisht të ndryshme nga ajo që ju kanë thënë. Ky personazh plot kontradikta, është ajo që i bën ata kaq magjepsës dhe kaq dyfytyrësh.

Peshqit

Peshqit janë gjithmonë aty për të dëgjuar, ngushëlluar dhe për t’ju treguar se ata kujdesen. Por kanë edhe anën tjetër të tyre, më misterioze e më të largët. Ata janë artistë të vërtetë për të treguar atë që duan të shohin të tjerët, por në të njëjtën kohë ata mund të jenë jashtëzakonisht të zhytur në botën e tyre. Peshqit kanë aftësinë të krijojnë histori ose të japin fotografi për të fshehur ndjenjat dhe dëshirat e tyre të vërteta.

Nuk janë njerëz të këqij, por vetëm se Peshqit kanë tendencë të përshtaten me rrethanat për të “mbijetuar” nga situata të vështira ose për të përmbushur pritshmëritë e të tjerëve. Në një farë mënyre ata mund të vendosin fytyrën e tyre më të qetë, më të ëmbël dhe njëkohësisht të fshehin “kaosin” që i mundon.

Peshorja

Njerëzit që i përkasin Peshores, e duan harmoninë dhe ekuilibrin, ndaj bëjnë gjithçka për të mbajtur marrëdhënie të mira me të gjithë. Edhe pse duken të mrekullueshëm dhe të sjellshëm, do të shihni se shumë herë përpiqen të kënaqin të gjitha palët pa favorizuar askënd. Për ta bërë këtë, ata janë në gjendje t’ju thonë gjithçka që dëshironi të dëgjoni, në mënyrë që të ruajnë atmosferën e qetë rreth tyre.

Kjo mund t’i bëjë ata të duken me dy fytyra. Në fakt, ndërsa duken krejtësisht zemërmirë dhe të qetë, ata mund të kenë një mendim të ndryshëm për të njëjtën temë me çdo person me të cilin shoqërohen. Rezultati? Peshoret shpesh përfundojnë të jenë aq diplomatikë dhe pajtues, sa të tjerët nuk e dinë nëse po thonë të vërtetën apo thjesht po përpiqen të shmangin konfrontimet.