Dje Fifi na zbuloi të gjithëve se dhuratat e vogla, por të bëra me shumë dashuri, janë më të çmuarat për të.
Motra i ka dhuruar një palë vathë e nëse kjo mund të duket një dhuratë modeste për shumë persona, për Fifin ka mjaftuar që t’ia mbushë sytë me lot.
“Domethënë, janë të vogla gjërat që ma mbushin shpirtin! As nuk pretendoj të marr më shumë se një kujtim të vogël nga njerëzit që kam!”, shkroi këngëtarja krahas fotos së vathëve të postuar në Instastory.
Motra e Fifit u martua para katër ditësh, e këtë lajm e dha vetë këngëtarja nëpërmjet një postimi në llogarinë e saj në Instagram.
Në urimin që i bëri Yllkës, Fifi nuk harroi t’i uronte edhe vetes që së shpejti ta shihte veten me fustan të bardhë.
Por këngëtarja ka treguar se jeta e saj është shumë e trazuar dhe se këto kohë gjërat kanë ndryshuar. Para disa ditësh ajo pranoi se është ende e dashuruar, por nuk ka pranë njeriun e saj të zemrës, për të cilin ka ndjenja.
