Pas akuzave se ka abuzuar seksualisht me katër gra, plaftorma e njohur YouTub,e ka ndaluar përkohësisht komedianin Russell Brand të fitojë para nga videot e tij.
“YouTube” tha se kishte “pezulluar fitimin e parave në kanalin e Russell Brand” për shkeljen e politikës së Përgjegjësisë së Krijuesit, e cila përcakton standardet për mënyrën se si krijuesit duhet të sillen brenda dhe jashtë platformës.
“Nëse sjellja jashtë platformës së një krijuesi dëmton përdoruesit, punonjësit ose ekosistemin tonë, ne marrim masa për të mbrojtur komunitetin. Kemi ndërmarrë veprimet pas akuzave serioze të bëra kundër tij gjatëfundjavës”- thuhej në deklaratën e tyre.
Kujtojmë se pas akuzave ndaj aktorit,ky i fundit reagoi me anë tënjë videoje në rrjetet sociale, ku ka hedhur poshtë të gjitha akuzat dhe pretendimet e katër femrave, ndërsa tha se të gjitha marrëdhëniet e tij kalimtare kanë pasur pëlqimin e ndërsjellë.
“Kam marrë dy letra jashtëzakonisht shqetësuese, ose një letër dhe një email, një nga një kompani televizive e medias kryesore, një nga një gazetë, duke renditur një seri sulmesh jashtëzakonisht të rënda dhe agresive. Por mes kësaj vale sulmesh të habitshme, janë disa akuza shumë serioze që unë i hedh poshtë absolutisht. Këto akuza kanë të bëjnë me kohën kur unë punoja në median kryesore, kur isha në gazeta gjatë gjithë kohës, kur isha në kinema. Dhe siç kam shkruar gjerësisht në librat e mi, gjatë asaj kohe marrëdhëniet që kisha ishin absolutisht, gjithmonë konsensuale. Unë kam qenë gjithmonë transparent për këtë, pothuajse shumë transparent. Dhe jam transparent për këtë edhe tani. Dhe të shoh se transparenca është transformuar në diçka kriminale, që e mohoj kategorikisht. Nuk e kam problem që ata të përdorin librat e mi dhe ‘stand-upin’ tim për të folur për sjelljen time në të kaluarën. Ajo që unë i hedh poshtë seriozisht janë këto akuza shumë, shumë, të rënda kriminale.”– tha aktori.
NDIQE LIVE "PANORAMA TV" © Panoramaplus.al
