Pas ndarjes nga Selena Gomez, fansat janë të bindur se modelja në këngën e The Weeknd është një kopje e këngëtares!

The Weeknd shokoi publikun me pamjen e tij në videoklipin e ri të titulluar “Save your tears”.

Këngëtari u shfaq në videon shqetësuese me proteza të dizajnuara për ta bërë atë të dukej sikur fytyra i kishte pësuar një operacion radikal plastik, duke përfshirë “fillers” (mbushës) rreth faqeve dhe buzëve të tij, shkruan “Teen Vogue”.

Videoja e gjatë katër minutëshe fillon me këngëtarin, emri i vërtetë i të cilit është Abel Makkonen Tesfaye duke kënduar në skenë për një turmë të maskuar.

Mirëpo, njerëzit nuk komentuan vetëm transformimin e tij të madh, por edhe modelen e paraqitur në projekt.

Shumë e krahasuan atë me ish-të dashurën e The Weeknd, Selena Gomez, me të cilën ai ishte në lidhje për gati 10 muaj në 2017.

Disa komentues vunë re ngjashmëritë e tyre fizike dhe stilit, teksa modeli i flokëve dhe vathët janë identikë. Disa fansa janë të mendimit se modelja duket si Selena në videoklipin” Dance Again “.

Të tjerët vunë në dukje tekstin e The Weeknd dhe lidhjet e tij me një këngë nga albumi “Rare” i Selenës.

Selena në këngën e saj “Crowded Room” thotë “Baby, jam vetëm unë dhe ti / Vetëm ne dy / Në një dhomë të mbushur me njerëz.” Kurse The Weeknd në këngën e tij thotë “Të pashë duke kërcyer në një dhomë të mbushur me njerëz“.

Këto spekulime nuk janë pa baza fare pasi vitin e kaluar, si The Weeknd, ashtu edhe Selena, thanë se këngët e tyre janë një pasqyrim i romancave të kaluara.

Në korrik të vitit 2020, këngëtari i “Blinding Lights” publikoi një këngë për “Snowchild”, në të cilën ai flet për njerëzit e tij më të rëndësishëm ndër vite.

Interesant është fakti se ai e publikoi videoklipin në të njëjtën ditë me 28-vjetorin e  Selenës.

Madje në 20 sekondat e para shfaqen tullumbace, plus, kishte shtëpi dhe shkallë që dukeshin të ngjashme me disa ambiente në të cilat Selena ishte shfaqur në foto të ndryshme.