Besoni apo jo, krijuesi i “Squid Game” Hwang Dong-hyuk po punon për diçka shumë më të keqe për projektin e tij të ardhshëm. Eksperti koreano-jugor është duke punuar në një film me titullin “Killing Old People Club” ose “KO Club”, bazuar në një roman të shkruar nga Umberto Eco, sipas Variety .
Dhe nëse menduat se ishte e tmerrshme të shikoje njerëz të vrarë nga një kukull gjigante animatronike në serialin e tij jashtëzakonisht të popullarizuar në Netflix, thjesht prisni.
“Do të jetë më e dhunshme se “Squid Game”, deklaroi Dong-hyuk gjatë një ngjarjeje MIPTV në tregun ndërkombëtar televiziv në Francë së fundmi. Ai thuhet se ka zhvilluar tashmë historinë prej 25 faqesh për filmin, i cili ai pret të jetë “një tjetër film i diskutueshëm.
Seriali u rendit në vendin e parë në dhjetëra vende të botës. Lajmi se do të kishte një sezon të dytë të “Squid Game” u konfirmua në nëntor nga Dong-hyuk, megjithëse asnjë afat kohor nuk është caktuar për nisjen e xhirimeve.
“Ka pasur kaq shumë presion, kaq shumë kërkesa dhe kaq shumë dashuri për një sezon të dytë. Kështu që nuk na lini zgjidhje tjetër!” i tha ai Associated Press vjeshtën e kaluar .
“Por unë do të them se me të vërtetë do të ketë një sezon të dytë. Unë jam në procesin e planifikimit aktualisht, ” u shpreh në një intervistë .
