Pas vdekjes së Tom Parker, kënga hit e grupit ku ai bënte pjesë rikthehet në krye të klasifikimeve botërore 10 vite pasi u publikua

Pas vdekjes tragike të këngëtarit Tom Parker në fillim të kësaj jave, kënga e titulluar “Gold Forever” e grupit The Wanted, ka rihyrë në top listë.

Tom Parker vdiq në moshën 33 vjeçare, duke lënë pas gruan e tij Kelsey, dhe dy fëmijët e tyre. Fansat tani po bëjnë fushatë që kënga hit e titulluar “Gold Forever” të ringjallet dhe të zërë vendin e parë.

Kënga po ngjitet në top listën e këngëve më të mira të “iTunes” në Mbretërinë e Bashkuar duke arritur në vendin e dytë dhe duke thyer rekordin e vet të vitit 2011 ku u pozicionua në vendin e tretë.

Një fans shkroi në Twitter: “E di që të gjithë fansat e Harry-t e duan dhe duan ta shohin atë në krye, por ju lutemi lërini fansat e The Ëanted ta kenë këtë javë me Gold Forever në #1. Është himni ynë tani dhe ne po përpiqemi ta bëjmë atë për Tomin.”

 “Në fakt, le t’i mbajmë të kërkuarit atje lart. Kjo është për Tomin dhe ai e meriton këtë. Ju lutemi na ndihmoni të mbajmë arin përgjithmonë në 1 dhe le t’i ngremë këngët e tjera pasi edhe gyc është kaq afër vendit #2!!!”, është mesazhi i nje tjetër fansi.

Shokët e grupit të Tomit, Max George, Siva Kaneswaran, Nathan Sykes dhe Jay McGuiness, i bënë homazhe “vëllait” të tyre pas lajmit të hidhur këtë javë.

The Wanted postoi për 216,00 ndjekësit e tyre në Instagram: “Max, Jay, Siva, Nathan dhe e gjithë familja Wanted janë të shkatërruar nga humbja tragjike dhe e parakohshme e shokut tonë të grupit Tom Parker, i cili vdiq në paqe, i rrethuar nga familja e tij dhe shokët e grupit.”