Pas incidentit që i mori jetën regjisores, Halyna Hutchins në shesh xhirime pasi aktori i njohur Alec Baldwin e qëlloi aksidentalisht atë teksa po bënin prova teknike janë publikuar pamjet nga kamerat e trupit të mjekëve ku tregojnë ata të cilët përpiqen në maksimum të shpëtojnë Halynan.
Klipi i publikuar nga Daily Mail i momenteve të fundit të Halyna Hutchins -duke përfshirë mjekët që thërrasin ‘Halyna, qëndro me ne!’ u shpërnda si pjesë e një grumbulli provash të ndara nga Zyra e Sherifit të Qarkut Santa Fe të hënën.
Hutchins, e cila vdiq në moshën 42-vjeçare, mund të shihej pa ndjenja nga dyshemeja e një kishe, ndërsa mjekët e urgjencës po jepnin ndihmën për ta shpëtuar pasi ajo u qëllua në xhirime në New Mexico në tetor 2021.
Nuk mund të dëgjohet shumë, përveç inkurajimit për Hutchins dhe instruksionet që bashkëpunojnë me njëri-tjetrin.
Në një video tjetër, ekuipazhi nga Rust, duke përfshirë Baldwin, mund të dëgjohen duke pyetur se është gjendja e Hutchins.
Një tjetër klip tregoi Baldwin të ulur në anën e pasme të një kamioni dhe duke kërkuar një përditësim për Hutchins.
Dosjet e hetimit përfshijnë gjithashtu video provash që tregojnë Baldwin me kostum teksa praktikon me armën.
Sherifi i qarkut Santa Fe, Adan Mendoza, tha në një deklaratë se hetimi nga agjencia e tij mbetet i hapur dhe në vazhdim, ndërsa pret rezultatet e analizave mjekoligjore nga FBI , si dhe studimet e gjurmëve të gishtërinjve dhe ADN-së.
NDIQE LIVE "PANORAMA TV" © Panoramaplus.al