Duka i Sussex-it, princ Harry, u pa në kampionatin Stockyards në Fort Worth, Teksas, gjatë fundjavës, ku ai shikoi një garë hipizmi.
“Ku ishte Princi Harry të shtunën mbrëma? Oooooh, duke ndjekur kampionatin Stockyards Rodeo!! E dua!! Faleminderit për vizitën!!” shkruante një status i postuar nga sekretarja e “Stockyards Championship Rodeo”, Cindy Reid të hënën.
Edhe Cory Melton ndau gjithashtu foto, duke shkruar: “Princi Harry në garën e hipizmit këtë javë”.
Edhe pse duket se Princi Harry ka shkuar i vetëm në ngjarjen e madhe, kjo nuk është hera e parë në javët e fundit që ai provon një përvojë të tillë ikonike.
Para pak javësh ai dhe Princeshë Eugenie ishin në “Super Bowl 2022” në Los Anxhelos, ku ai vizitoi gjithashtu dhomën e zhveshjes së L.A. Rams pas fitores së tyre.
