Puntata e fundit e “Për’puthen Prime” kishte rezervuar një përballje ndryshe nga ato që jemi mësuar të shohim në emision. Bëhet fjalë për përballjen mes Bora Zemanit dhe Monika Lubonjës, ku kjo e fundit ishte e ftuar si opinioniste në program.
Përballja mes tyre pati interes për shkak të historisë së dashurisë mes Beatrix Ramosajt dhe Donald Veshajt dhe mbështetjen e madhe që aktorja iu ka dhënë atyre gjatë qëndrimit në BBV.
Teksa në përballjen e tyre nuk munguan “thumbat” mund të thuhet se nuk pati të papritura.
Por si është raporti aktual mes Monikës dhe Borës pas “përballjes”?
Në një vështrim në profilet e tyre në Instagram mund të vëmë re shumë gjëra. Aktorja Monika Lubonja, megjithëse një mike e ngushtë e Beatrix Ramosajt, e ndjek edhe Bora Zemanin në rrjetin social.
Por nuk mund të themi të njejtën gjë për moderatoren. Në një kontroll në profilin e saj në Instagram vihet re se në listën e personave që ajo ndjek nuk është emri i aktores Monika Lubonja.
Çfarë kishte për të thënë Beatrix për “përballjen” Monika-Bora?
Ajo që ka surprizuar njerëzit ka qenë sërish Beatrix. Monika ka shpërndau me ndjekësit e saj në Instagram dy foto nga karrigia e opinionistes teksa shkroi “Për’puthen”. Dhe Beatrix nuk ka ngurruar t’i komentojë duke i shkruar: “O yll”.
Komenti i saj ka marrë shumë reagime nga ndjekësit, një pjesë e të cilëve e pyesin nëse e ka parë emisionin, meqenëse është mikeshë e mirë e Monikës.
Çfarë ndodhi në Prime mes Monikës dhe Borës?
Moderatorja e pyeti Monikën në lidhje me vështirësitë që konkurrentët kanë të zhvillojnë dashurinë e tyrë në një reality-shoë, duke theksuar faktin se ata “nuk dorëzohen dhe janë aty për njëri-tjetrin.”
“Të mendosh Monika sa vështirësi kalohen në këtë program, edhe prapë nuk dorëzohen, janë aty për njëri-tjetrin deri në fund. A është kjo një provë e madhe?”– tha moderatorja.
Nga ana tjetër aktorja tha se i kanë pëlqyer emocionet mes çifteve të Për’Puthen, por gjithashtu mbylli fjalën e saj duke thënë se “emocionet e bukura dhe të sinqerta” ajo i do. (KLIKO)
Çfarë kishte thënë dikur Monika për Beatrix-Donald?
Një frazë të tillë ajo e ka përdorur jo rrallë për lidhjen e Beatrix dhe Donaldit në Big Brother VIP, ku i ka konsideruar ndjenjat e tyre të sinqerta.
“Kjo është prova më e madhë që ata kanë. Këto ditë që i kam parë që më kanë pëlqyer edhe emocionet. Sepse përveç dashurisë që është gjëja më e bukur që duhet të triumfojë, është kënaqësi kur i shikon këta të rinj që e përmbushin veten e tyre, ua japin këtë mundësinë. Emocionet e bukura dhe të sinqerta unë i dua.”– është shprehur Monika asokohe.
Një tjetër emër që lidh atë me Borës, është edhe Semi Jupaj, shoqja e ngushtë e moderatores. Ajo dhe Monika nuk kanë pasur raporte shumë të mira në Big Brother, përkundrazi kanë pasur debate të forta. Monika ka krijuar një lidhje të ngushtë me Beatrix por edhe me Donaldin, e duket se raportet e tyre i kanë ruajtur edhe pas daljes.
NDIQE LIVE "PANORAMA TV" © Panoramaplus.al
