Princi Harry ka folur për herë të parë për një nga takimet e tij të para ballë për ballë me Mbretëreshën Elizabeth që pas largimit nga Pallati Mbretëror.
Princi Harry dhe gruaja e tij, Meghan Markle, vizituan Mbretëreshën në Kështjellën Windsor për herë të parë si çift që kur u transferuan në SHBA, ndërkohë që ishin rrugës për në Holandë për Lojërat Invictus 2022.
“Ajo kishte shumë mesazhe për Ekipin e Mbretërisë së Bashkuar, të cilat unë ua kam përcjellë tashmë shumicës së tyre”, tha Princi Harry për BBC në lidhje me takimin. “Pra, ishte e mrekullueshme ta shihja atë. Unë jam i sigurt se ajo do të donte të ishte këtu nëse do të mundte”.
Vizita në Kështjellën Windsor ishte hera e parë që çifti u kthye në Mbretërinë e Bashkuar, megjithëse Harry ka qenë atje disa herë, por pa shoqërinë e Meghan.
Princi mori pjesë në funeralin e Princit Philip në prill 2021 dhe më pas në zbulimin e statujës së Princeshës Diana në korrik 2021.
Harry dhe Meghan u larguan nga familja mbretërore dhe u transferuan në Amerikën e Veriut në vitin 2020. Që pas largimit, Duka dhe Dukesha e Sussex janë përballur me shumë gjëra që kanë bërë bujë.
Por së fundmi duket se marrëdhëniet po ndërtohen sërish. Thuhet po ashtu se Meghan Markle dhe Princi Harry janë “ftuar” të ribashkohen me familjen mbretërore për një paraqitje në ballkonin ikonik të ‘Pallatit Buckingham’. Sipas Daily Mail , Mbretëresha Elizabeth dëshiron që çifti të marrë pjesë në festimet e saj të Jubileut Platinum.
NDIQE LIVE "PANORAMA TV" © Panoramaplus.al