Forbes ka publikuar listën vjetore të miliarderëve cdhe pjesë e renditjes së tyre ishin dhe artistat e njohur të muzikës: Rihanna, Jay-Z dhe Kanye West. Por shumë larg nga njeriu më i pasur në botë, biznesmeni Elon Musk.
Këngëtarja Barbadiane, e cila renditet e 1729-ta në listën e Forbes, së fundmi iu bashkua listës së miliarderëve falë linjës së saj kozmetike ‘Fenty Beauty’ dhe markës të të brendshmeve ‘Savage X Fenty’.
Pasuria e Rihanna-s, e cila është edhe qytetarja e parë e Barbados që ka arritur statusin e miliarderes dhe artistes më të pasur muzikore në botë, në 1.7 miliardë dollarë, diçka rreth 1.5 miliardë euro.
Pas Rihannës është Jay-Z, në renditjen e 2076-të. Pasuria e reperit prej 1.4 miliardë dollarësh (1.2 miliardë euro) u ndërtua në Roc Nation, kompania botuese që ai themeloi në 2008, dhe mbi aksionet që ai mban në kompani si TIDAL, Square ose marka e shampanjës Armand de Brignac.
Edhe pse Kanye West ka qenë goxha i përfolur në media muajt e fundit për shkak të divorcit të tij me Kim Kardashian, muzikanti zë vendin e 1513-të në renditjen e “Forbes”, falë partneritetit mes markës së tij të këpucëve Yeezy të Adidas dhe Gap. Në vetëm një vit, Kanye u ngjit në 200 pozicione, me një pasuri të vlerësuar në 2 miliardë dollarë (1.8 miliardë euro).
Pavarësisht këtyre shifrave, secili nga tre emrat në këngë ka pasuri të vogla kur krahasohet me pasurinë e ndër më të pasurit: i pari në listën e “Forbes” është Elon Musk, shefi i Tesla dhe SpaceX (me një pasuri të vlerësuar në 200 miliardë euro), dhe i dyti është Jeff Bezos, CEO i Amazon (me 156 miliardë euro).
