Almeda Abazi është në qendër të vëmendjes, pasi modelja së shpejti do të bëhet nënë për herë të dytë.
Së fundmi, ajo realizoi një bisedë me ndjekësit gjatë së cilës zbuloi se pas një jave, vajza, Alina, mund të vijë në jetë nga momenti në moment.
Duke qenë se bashkëshorti i ish-misit është turk, ndjekësit e kanë pyetur Almedën nëse djali i tyre, Efehan, flet shqip.
“Ka filluar të flasë disa fjalë dhe shqip”, shkroi Almeda.
Ndërkohë, Abazi nuk nguroi të tregojë edhe vesin më të keq që ka, të cilin Tolgahan nuk e duron dot.
“Perfeksioniste. Do të doja të mos isha, ama çdo gjë që bëj duhet patjetër të jetë perfekte. Gjë që të lodh”, u përgjigj aktorja.
Një ndjekëse turke e ka pyetur nëse ka fobi diçka dhe Almeda zbuloi se kur bëhet fjalë për një ashensor të vogël, ajo nuk hipën.
E pyetur për peshën, Almeda u përgjigj: “Tani jam tamam kështu (vendos emojin e një balene) dhe më beso se gjëja e fundit që dua të mësoj janë ‘kilogramët’. Nuk jam peshuar fare gjatë dy muajve të fundit”.
