Çfarë mund të themi? Ajo është thjesht Miley.
Selena Gomez imitoi Miley Cyrus ndërsa moderonte “Saturday Night Live” më 14 maj dhe duket se këngëtares së “Wrecking Ball” i pëlqeu imitimi. Në rast se e keni humbur, Selena gjatë monologut të saj hyrës tha se kishte kërkuar këshilla nga Miley (një nga shoqet e saj më të vjetra dhe dikush që ka moderuar disa herë SNL). Në monologun e saj këngëtarja u shpreh: “Pyeta Miley dhe ajo tha: “Vetëm ji vetvetja dhe argëtohu”, me zërin identik të Miley. “Dhe unë thashë: “Miley është ky një justifikim që unë të të imitoj në shfaqje?” Dhe ajo tha: “Dreqin po, unë jam Miley Cyrus”.
Miley tregoi mbështetjen e saj ndaj shoqes duke shpërndarë një video të performancës së Selenës. “Po dreqin, unë jam MILEY CYRUS @selenagomez @nbcsnl,” shkroi ajo në Instagram krahas një fotoje të saj të veshur me një bluzë me të njëjtën frazë.
Miley dhe Selena luajtën në ‘Disney Channel’ në fillimet e karrierës së tyre (Miley ishte në Hannah Montana dhe Selena luajti Mikayla teksa po ashtu kishte shfaqjen e saj ‘Wizards of Waverly Place’).
Dhe ndërsa ka patur zëra se raportet mes tyre janë ftohur vite më parë, Selena u dha fund spekulimeve në një intervistë të vitit 2016 me ‘W Magazine’, duke vënë në dukje se ato nuk u grindën kurrë. Në fakt, ata e kanë mbështetur njëri-tjetrin gjatë viteve dhe Selena u shfaq në seritë e “Bright Minded: Live” të Miley-t në Instagram në prill 2020.
“Unë kam qenë gjithmonë një fanse e jotja,” tha Selena në një moment gjatë bisedës së tyre. “Mendoj se je një nga këngëtarët më të mëdha të të gjitha kohërave”.
- LEXO EDHE:
Nga jeta sentimentale te batuta për Kim dhe Pete- Monologu i Selena Gomez në SNL ishte mbresëlënës
