Njerëzit e neglizhojnë shëndetin e tyre, ndërsa mendojnë se problemet seksuale, gërhitja apo gjakderdhja janë shenja të vogla shëndetësore. Ata janë duke menduar gabim, pasi janë pikërisht këto shenja të vogla që më pas bëhen shkaku i gjërave edhe më të mëdha. Të gjitha janë simptoma që tregojnë se mund të keni probleme serioze me zemrën, e cila ende vazhdon të mbetet shkaku kryesor i vdekjeve në botë.
Kur ka probleme me zemrën dhe arteriet trupi juaj reagon në mënyra të ndryshme sipas Dr John Erwin, një kardiolog nga Texas A&M Health Science Center. Ai tregon 6 prej shenjave të mëposhtme nuk duhen injoruar kurrë:
Disfunksionet seksuale
Shumë njerëz i mendojnë disfunksionet seksuale si një problem i organeve riprodhuese ose të trurit. Sidomos tek meshkujt kjo është një simptomë e problemeve me arteriet. Tek femrat disfunksionet seksuale lidhen më shumë me gjendjen e menopauzës. Por duhet marrë parasysh se gjatë kësaj kohe ato janë të prirura të sëmuren më shpesh nga kjo sëmundje, megjithëse nuk lidhen drejtpërdrejtë me njëra-tjetrën. Për këtë arsye kjo simptomë nuk duhet lënë pas dore.
Gërhitja ose apnea
Kuptohet që është e bezdisshme të flesh me një njeri që gërhet dhe kjo simptomë është shumë mirë e dallueshme. Dr Erwin thotë se: ‘Apnea është një gjendje ku njeriu nuk merr frymë gjatë gjumit për pak minuta dhe lidhet me ndryshime fiziologjike që rrisin rrezikun për infarktin.” Trajtimi i apneas mund të ulë rrezikun për probleme me zemrën. Kështu që herën tjetër që shihni një person që ka këto probleme, mund t’i kërkoni që të shkojë të vizitohet.
Gjakderdhja në gojë
Shumë pak njerëz mendojnë se problemet që kanë me çimçakëzët mund të lidhen me problemet e zemrës. Ato mund të shkaktojnë infeksione dhe inflamacion në trup sipas Dr Erwein. Hiperaktiviteti i rrugëve të frymëmarrjes është një faktor i rëndësishëm në zhvillimin e problemeve me zemrën dhe infarktit. Për këtë arsye duhet të kujdeseni shumë për higjienën e gojës duke i larë dhe duke shkuar tek dentisti.
Shtrëngimi ose dhembja e supeve ose qafës
Gjatë një infarkti njerëzit ndjejnë sikur kanë një peshë të madhe mbi gjoks. Ka të tjerë që kanë një eksperiencë të ngjashme në supet e tyre. Kjo nuk është e thënë të jetë në çdo rast. Disa kanë një ndjenjë parehatie, shtrëngimi ose dhimbje të supeve ose qafës. Parehatia shpesh mund të jetë një shenjë e dhembjes së zemrës ose infarktit.
Këmbët e enjtura
Kjo është një simptomë që vjen për arsye nga më të ndryshmet ku përfshihen edhe problemet me zemrën. Kjo ndodh zakonisht kur njerëzit kanë probleme me frymëmarrjes ose natën kur përpiqen të flenë. Nëse ata e kanë këtë shenjë duhet të kërkojnë ndihmë tek një mjek.
Mostretja ose urthi
Mostretja ose urthi janë shenjat më të hasura që tregojnë se ju mund të keni sëmundje zemre. Ato mund të shoqërohen me vjellje, djersitje apo shenja të tjera dytësore.
NDIQE LIVE "PANORAMA TV" © Panoramaplus.al