Ermal Mamaqi prej disa vitesh është tërhequr nga bota e televizionit, për t’iu përkushtuar asaj të kinematografisë dhe për t’u kthyer në një ‘motivational speaker’ (influencues).
Gjatë kësaj periudhë, aktori i humorit ka realizuar dy filma, “Dy gisht mjaltë” dhe “I love Tropoja”, të cilët janë mirëpritur nga publiku.
Gjatë një interviste të dhënë për “NIN”, Ermali tregoi se në fillim i kërkonte regjisorëve që ta bënin pjesë të filmave të tyre, por asnjëri nuk kishte pranuar.
Prandaj, i shtyrë nga kjo, ai mori iniciativën për të prodhuar vetë një film kinematografik, në të cilin jo vetëm mund të luante, por mund të ishte edhe protagonist.
Ndër të tjera, moderatori tregoi edhe shifrën marramendëse që i është dashur të shpenzojë për të prodhuar “I love Tropoja”.
“Nga pikëpamja e buxhetit që është shpenzuar, investimit në kohë, në financa, por edhe nga organizimi, sepse unë tashmë isha i përgatitur për një sukses.
Kishim një histori suksesi dhe e dinim se si t’i maksimalizonim të gjitha hyrjet ose shfaqjet dhe bashkë me ekipin pata një organizim shumë të madh në shpërndarjen e filmit, por edhe prodhimi ka pasur më shumë aktorë. Ata ishin më me kualitet.
Kostoja ka qenë 3-fishi i ‘Dy gisht mjaltë’. I ka kaluar 750 mijë euro për ta prodhuar si film ‘I love Tropoja’”,- tha Ermali.
Aktori së fundmi ka njoftuar se në muajin tetor do të sjellë një tjetër film që do të jetë i zhanrit komedi. Në të do të marrin pjesë shumë personazhe të famshëm, mes të cilëve Megi Pojani, Klea Huta, Jonida Vokshi etj.
NDIQE LIVE "PANORAMA TV" © Panoramaplus.al