Si e shpëtoi Jason Momoa rolin e Amber Heard në ‘Aquaman’ dhe humbjet e aktores nga gjyqi me Johnny Depp

Vetë “Aquaman”, Jason Momoa, dyshohet se ka mbrojtur Amber Heard që ajo të mbajë rolin e saj në vazhdimin e filmit.

Ish-prodhuesja dhe konsulentja dhe ekspertja aktuale e industrisë së argëtimit, Kathryn Arnold, doli në Gjykatë si dëshmitare e Heard-it dhe tha se roli i saj supozohej të ishte momenti i saj më i bukur i karrierës, por pohoi se aktorja pothuajse ishte pezulluar nga “Aquaman 2” për shkak të problemeve me Johnny Depp.

Arnold tha më tej se arsyeja e vetme që Heard e mbajti rolin e saj ishte sepse Momoa dhe regjisori James Wan “u përkushtuan ndaj saj dhe ishin të bindurqë ajo të ishte në film”.

Heard dyshohet se stërvitej pesë orë në ditë për disa muaj përpara se të mësonte nga një kostumografe se roli i saj ishte “pezulluar”. Arnold, i cili u takua me Heard para dëshmisë, tha se personazhi i Heard, Mera, do të kishte një “hark të fortë romantik në të gjithë filmin dhe disa sekuenca të shkëlqyera aksioni” përpara se skenat e saj të hoqeshin dhe minutat e saj në film të reduktoheshin.

Të enjten, agjentja e Heard-it, Jessica Kovacevic, tha se asaj iu tha se roli pothuajse ishte riformuluar për shkak të mungesës së kimisë të Heard me Momoa-n, por personalisht besonte se kishte të bënte me reputacionin e saj të keq. Arnold tha gjithashtu se aktori i “Game of Thrones” Momoa rinegocioi pagën e tij për filmin e dytë nga 3 milionë dollarë në 15 milionë dollarë.

“Heard u pagua 2 milionë dollarë siç u tha në kontratën e saj të parë”- tha Arnold, duke shtuar se aktorja duhet të kishte qenë në gjendje të rinegocionte deri në 6 milionë dollarë. “Ata [Hollywood-it] e pëlqejnë punën e saj, por nuk mund të punojnë me të, sepse sa herë që përmendet emri i saj, negativiteti ndizet përsëri,” tha Arnold për reputacionin “shumë negativ” të Heard.

Arnold dëshmoi se, gjatë pesë viteve, Heard mund të kishte bërë 4 milionë dollarë për film, madje mund ta kishte kaluar atë dhe të arrinte deri në 20 milionë dollarë.

Humbja totale e Heard, sipas Arnold, ishte midis 45 dhe 50 milionë dollarë. “Heard gjithashtu do të kishte shënuar marrëveshje të tjera miliona dollarëshe të ngjashme me kontratën e saj prej 1.5 milion dollarësh me L’Oreal,”- shtoi Arnold.

Që nga fillimi i gjyqit, më shumë se 4 milionë fansa të Depp kanë nënshkruar një peticion duke kërkuar që aktorja të hiqet plotësisht nga filmi.