Marrëdhënia e Kim Kardashian dhe Pete Davidson është më serioze nga sa mund të duket.
Pasi ylli i ‘Saturday Night Live’ dhe Kim filluan të takoheshin në fund të vitit të kaluar, të dy dukej se janë praktikisht të pandashëm pasi romanca e tyre vazhdon të lulëzojë. Sipas E!News rregullimi i marëdhënies së Pete me 4 fëmijët e Kim dhe Kanye, North, Saint, Chicago dhe Psalm ka qenë një diçka që ka ardhur natyrshëm brenda marrëdhënies së tyre.
“Marrëdhënia e Pete dhe Kim është bërë më serioze, dhe Kim ndihet shumë rehat duke e lejuar Pete të jetë rreth fëmijëve dhe ka kaluar shumë kohë me ta kohët e fundit”, -ka thënë një burim për E!News. “Kim nuk donte ta detyronte për asgjë dhe i pëlqen që ka qenë një progres i natyrshëm. Asaj i pëlqen që mund t’i besojë Pete fëmijët e saj.”
Sa i përket kohës së kaluar me katër fëmijët e Kim-it, burimi shpjegoi, “Kjo heq shumë stresin nga ajo dhe marrëdhënia e tyre. Kim mendon se është vërtet e lezetshme dhe është mirënjohëse. Pete është vërtet i mirë me fëmijët dhe ata të gjithë e duan atë.”
Por, fëmijët e Kim nuk janë të vetmit në jetën e saj që kënaqen duke pasur aktorin pranë. Siç thotë një burim i dytë i afërt me yllin e Kardashians për E!News, ai është i afërt dhe i sjellshëm me të gjithë të afërmit e saj, duke përfshirë familjen dhe miqtë njësoj.
“Të gjithëve u pëlqen të kenë Pete pranë,” vuri në dukje burimi i dytë. “Ai është shumë argëtues dhe sjell një atmosferë kaq pozitive dhe të dashur. Kim është shumë mirënjohëse se sa lehtë e ka bërë ai këtë dhe sa i kuptueshëm është me të gjithë.”
Në fillim të këtij viti, pati disa përplasje lidhur me bashkëprindërimin mes Kim dhe Kanye. Megjithatë, komediani ka qenë i kujdesshëm me hedhjen e hapave pasi ai “dëshiron të sigurohet që të gjithë të jenë rehat”.
“Ai ka qenë shumë i respektueshëm dhe nuk i ka kaluar kufijtë,” vazhdoi burimi. “Në të njëjtën kohë, ai e njeh vendin e tij dhe u jep atyre hapësirë për të bërë gjëra familjare pa të. Të gjithëve u pëlqen të kalojnë kohë së bashku dhe ka qenë shumë mirë që ata të fillojnë të njihen me njëri-tjetrin.”
Siç vuri në dukje burimi i dytë, marrëdhënia e Pete me fëmijët e Kim ishte e lehtë pasi ai është një “i rritur por fëmijë në zemër”. Dhe për sa i përket së ardhmes, Pete tashmë ka një plan të vogël. “Ai ka ide të gjërave që dëshiron të bëjë me ta,” tha burimi, duke shtuar se ai “mezi pret që gjithçka të marrë jetë“. E thënë thjesht, “Gjithçka po shkon shumë mirë“.
