Johnny Depp nuk kishte planifikuar asnjë festë të shtrenjtë në Londër disa orë përpara se juria e Gjykatës së Virxhinias t’i jepte atij fitoren në çështjen e shpifjes kundër ish-gruas Amber Heard sikurse u raportua.
“New York Post” shkruan se një burim u ka thënë: “Vendi ishte rezervuar në rast se dikush donte të bënte diçka, por u anulua“, duke kundërshtuar një raport që pretendonte se aktori shpenzoi qindra mijëra dollarë në Notting Hill, Laylow.
Depp nuk ishte në Shtetet e Bashkuara për të dëgjuar vendimin e së mërkurës, sepse ai kishte fluturuar në Angli ditë më parë, thanë burimet për median në fjalë.
Aktori kishte kaluar fundjavën e tij në koncertet e Jeff Beck: dy në Sheffield dhe një në Londër, duke u shfaqur në skenë me Beck. Ylli i “Pirates of the Caribbean” po mbante një koncert në Gateshead, në Anglinë Veriore, një ditë pasi juria i dha atij 10.4 milionë dollarë dëmshpërblim.
“Depp shkoi direkt nga koncerti në Gateshead me makinën e tij,” tha burimi. 58-vjeçari u tha se ka shpenzuar më shumë se 300,000 dollarë për festën, e cila dyshohet se zgjati deri në orën 5 të mëngjesit me njerëz të shumtë, përfshirë ish- të dashurën e tij Kate Moss.
“Ne kemi email për të vërtetuar se vendi i takimit është anuluar,” tha një tjetër burim. “Ai shkoi direkt nga koncerti në Gateshead për gjashtë orë me makinë.”
Heard dhe Depp u përfshinë në një gjyq për shpifje me aktorin e “Pirates of the Caribbean” që paditi aktoren për 50 milionë dollarë mbi akuzat për abuzim në një shkrim të ‘Washington Post’ të vitit 2018 që ajo shkroi. Heard kundërshtoi ish-in e saj me një kundërpadi prej 100 milionë dollarësh.
Gjykata vendosi që Johnny Depp duhet të marrë 15 milionë dollarë dëmshpërblim nga Amber Heard – 10 milionë dollarë për dëmet kompesuese (që synojnë të kompensojnë palën e dëmtuar, pra Depp) dhe 5 milionë dollarë për dëmet ndëshkuese (që jepen për të ndëshkuar një keqbërës, pra Heard).
NDIQE LIVE "PANORAMA TV" © Panoramaplus.al