Kopertina e albumit të ri të Halsey ka ngritur dyshimet se këngëtarja e “Be Kind” ka lindur fëmijën e saj të parë.
Në të, ajo shfaqet e ulur mbi një fron ndërsa në prehër mban një fëmijë, shkruan “Page Six”.
“Unë mendoj se Halsey ka lindur fëmijën“, shkroi një person në “Twitter” të mërkurën. “Jam shumë i sigurt se është foshnja e saj në kopertinën e albumit, dyshoj se ka përdorur një fëmijë tjetër. Ndoshta thjesht nuk njoftoi se ka lindur dhe na la të mendonim se foshnja nuk kishte ardhur ende në jetë.”
Sidoqoftë, të tjerët në mediat sociale theksuan se foshnja në fjalë nuk mund të ishte fëmija i Halsey pasi ishte e qartë se ai ishte shumë më i madh se një i porsalindur.
Vetë Halsey e hodhi poshtë këtë thashethem duke postuar një video të saj me anë të së cilës zbuloi punën në Muzeun Metropolitan të Artit në Nju Jork, ndërsa ishte ende shtatzënë.
Këngëtarja, 26 vjeç, tregoi mesazhin që fshihet pas kopertinës për albumin e saj të katërt: “Nëse nuk mund të kem dashuri, dua pushtet“.
Ajo shkroi në mbishkrimin, “Ky album është një album i konceptuar për gëzimet dhe tmerret e shtatzënisë dhe lindjes. Ishte shumë e rëndësishme për mua që arti i kopertinës të përcillte ndjenjën e udhëtimit tim gjatë muajve të fundit.”
Shkrimtari, Alev Aydin, me të cilin ajo po pret fëmijën e parë, e ripostoi kopertinën e të dashurës së tij të talentuar.
Në janar, Halsey tronditi fansat kur zbuloi se ishte shtatzënë me një set fotografik ku tregonte barkun e rrumbullakosur.
