Ish-banorja e Big Brother Vip 3, Sara Gjordeni, është një nga personazhet më aktiv të këtij edicioni në rrjetet sociale. Së fundmi, ish-missi ka ndarë një foto nga fëmijëria e partnerit të saj, Bardhi Idrizit, të cilin e njohu brenda shtëpisë së BBV dhe tani presin një vajzë së bashku.
Në imazh Bardhi shfaqet i ngrysur në fytyrë dhe Sara nuk ka nguruar ta vëj në dukje këtë fakt.
“Të ha o nerv,” ka shkruar ajo.
Kujtojmë që dy banorët u lidhën brenda shtëpisë së Big Brother Vip3 dhe u përfolën shumë për raportin e tyre.
Sara u përjashtua nga Big Brother për shkak të një konflikti fizik me Françeskën, ndërsa Bardhi doli për shkak të një problemi shëndetësor të nënës së tij.
Brenda shtëpisë Bardhi deklaroi se Sara do të ishte nëna e fëmijëve të tij dhe ashtu ndodhi.
Lajmi për shtatzëninë e Sarës u konfirmua në emisionin “Cherry on Top” të Bora Zemanit dhe tashmë pritet që dita ditës të vi në jetë vogëlushja e dyshes.
