Beatrix Ramosaj ka zbuluar nëpërmjet llogarisë së saj në Instagram se mbrëmjen e djeshme ka përjetuar paralizë gjumi.
Këngëtarja ka ndarë me të gjithë ndjekësit në Instastory “makthin” që ka kaluar sërish pas një kohe të gjatë.
“Përjetova paralizë gjumi mbrëmjen e shkuar pas një kohe shumë të gjatë dhe e kisha harruar se sa traumatizuese është kjo gjë. Akoma dhe më e keqe kur je vetëm në shtëpi”, shkroi Beatrix në Instastory.
Beatrix ka treguar më parë se paraliza e gjumit (gjendje në të cilën individi është zgjuar, është i vetëdijshëm, por e ka të pamundur të lëvizë trupin, pasi truri nuk jep komandat e nevojshme) i ka pas ndodhur shpesh.
Madje në disa raste ajo shihte edhe figura të panjohura, ndërsa në sfond dëgjonte zëra demonësh.
“Nuk e di nëse njerëzit e tjerë kanë parë burrin me kapele gjatë paralizës së gjumit, por tani jam sërish e frikësuar. E pashë një herë në fillim dhe kurrë më. Mbrëmjen tjetër nisa të dëgjoja zëra jo tokësor.
E kam përjetuar disa herë dhe dëgjimi i zërave djallëzorë dhe ndjenja e një pranie të errët është vetëm një pjesë e saj”, shkruante një vit më parë këngëtarja.
