Vajza e stilistit të njohur, Valdrin Sahitit, feston sot tre vite jetë.
Me këtë rast, babai i vogëlushes vendosi ta urojë publikisht në llogarinë e tij në Instagram.
Valdrini publikoi një foto të Bella-s, krahas së cilës shkroi: “Bella ime, sot 3”.
3-vjeçarja është prezente në fotot apo videot që stilisti publikon në rrjete sociale herë pas here, duke mos e pasur problem zbulimin e identitetit të saj.
Ditën e djeshme, Valdrini publikoi një video në Instastory, në të cilën dëgjohej duke komunikuar në anglisht me të voglën në makinë.
Mirëpo, shumë ndjekës i kanë shkruar atij dhe e kanë kritikuar pse nuk i flet shqip vajzës.
Valdrini vendosi që t’u jepte një përgjigje të gjithëve me anë të një statusi.
“Njerëz të dashur që jeni shqetësuar për të folurën e vajzës sime në gjuhën angleze. Ju siguroj që është në duar të sigurta dhe nuk ka asnjë problem me gjuhën shqipe. Madje dhe gjyshërit i ka me titullin Dr.Prof.
Faleminderit për shqetësimin tuaj por arsimi jonë ndër breza është në një nivel të lartë. Mënyra se si flasim mes nesh është thjeshtë një qejf i joni dhe nuk i japim llogari askujt,” shkroi Valdrini.
Së shpejti Bella do të bëhet motra e madhe, sepse bashkëshortja e Valdrinit, Edita Ramadani, është në pritje të ëmbël për herë të dytë.
NDIQE LIVE "PANORAMA TV" © Panoramaplus.al