Që kur u bë e ditur se Kim Kardashian i ka dhënë fund lidhjes me Pete Davidson, menjëherë fansat në rrjetet sociale kanë nisur aludimet për partnerin e ri të yllit të reality-showt.
Vetëm pak javë më parë u zbulua se Kim Kardashian ishte në kërkim të një mashkulli më të madh se ish i dashuri i saj Davidson , por tashmë duket se ajo i ka shtuar listës një kusht më shumë për mashkullin e saj perfekt.
Sipas National Enquirer, Kim Kardashian e ka harruar tashmë komedianin me të cilin ishte në lidhje për nëntë muaj dhe i ‘ka vënë syrin’ miliarderit Elon Musk si partnerin e saj të ri.
Siç përshkruhet nga gazeta, Kim dëshiron të ndajë jetën e saj me dikë që është po aq i pasur sa bashkëthemeluesi dhe CEO i Tesla.
“Kim po u thotë njerëzve se duhet të takojë një djalë më të pjekur, dikë që është me të vërtetë në nivelin e saj për sa i përket suksesit, dhe në sytë e saj, kjo do të thotë shenja dollari. Ajo dëshiron një burrë me aq para ose më shumë se sa ka“– citohet të ketë thënë një burim i paidentifikuar.
Dhe me sa duket, edhe Kris Jenner do të pajtohej me vajzën e saj dhe do të emocionohej kur e shihte Kim -in të dilte me një nga burrat më të pasur në planet.
Musk nuk ka dhënë asnjë shenjë se ai është i interesuar të bëhet partneri i ri i Kim dhe t’i bashkohet klanit Kardashian , ka pohuar një burim i afërt me familjen e famshme.
NDIQE LIVE "PANORAMA TV" © Panoramaplus.al