Mashtrime, tradhti, zhgënjime- kënga e re e Loredanës duket se është shkruar për një histori toksike dhe të mbyllur dashurie, por kjo nuk e ka penguar Edon Zhegrovën ta shpërndajë në rrjetet sociale.
Sigurisht kjo nuk do na bënte përshtypje në kushte të tjera…por postimi i yllit të Kombëtares Kosovare të Futbollit vjen pasi u raportua se ai është në një lidhje me reperen. Këtë herë polemikat nuk u krijuan nga mediat shqiptare por ato zvicerane.
Ishte një nga mediumet më të mëdha në Zvicër “Blick”, që publikoi një artikull dedikuar dy yjeve ku shkruante se ata kanë nisur një romancë. Shkak u bë një foto e përbashkët e tyre. Ndonëse nuk është një provë e mjaftueshme sepse ata nuk janë parë më herët bashkë, kjo nuk i ndaloi zërat edhe pse mund të kemi të bëjmë thjesht me një miqësi. Futbollisti 23-vjeçar jeton në Francë pasi vitin e kaluar u bë pjesë e Lille.
E kur asnjëri prej tyre nuk ka reaguar ende lidhur me atë që po përflitet, Edoni ka rikthyer vëmendjen te kjo histori duke mbështetur publikisht reperen për këngën e saj të fundit me titull “Pinky Promises”. Gjithsesi edhe miqtë e mbështesin njëri-tjetrin dhe mund të jetë ky rasti në fjalë.
Jo më larg se ditën e djeshme historia Loredana-Mozziku rikthye në vëmendje. Loredana publikoi një foto në Instastory ku dukej pa makeup dhe me lot në sy. “Polena është ‘çmendur’ këtë vit.”- shkroi ajo duke treguar se vuan nga një alergji duke mos dhënë më shumë detaje.
Por menjëherë pas kësaj, ish-parnteri i saj, Mozzik ka bërë një postim që ngjalli përsëri dyshime tek fansat. Ai postoi një foto ku mban në duar një shami, ndërsa e shoqëron me hashtagun #polemalergy.
Nuk përjashtohet mundësia që kjo të jetë një rastësi dhe reperi mund të ketë të njëjtin problem me alergjitë e stinës, njësoj si Loredana. Por nga ana tjetër, duke marrë parasysh të gjitha rastet kur ish-çifti kanë bërë postime të tilla që kanë ngjallur dyshime për ribashkim, disa fansa mendojnë se këto mund të jenë mesazhe të koduara drejt njëri tjetrit.
NDIQE LIVE "PANORAMA TV" © Panoramaplus.al