Valbona Selimllarin është padyshim një nga figurat më të dashura për publikun. Prej disa sezonesh atë jemi mësuar ta shikojmë në jurinë e ‘Dance With Me’. Por duket se miss-i i parë shqiptar ka ndërmend t’i përkushtohet edhe më shumë karrierës televizive, pasi duket se tani do të ketë emisionin e saj, të cilin do ta drejtojë e vetme.
Është zbuluar se ajo mesa duket do të jetë pjesë e televizionit ‘Ora News’ dhe edhe pse ende nuk është zbuluar formati i emisionit që do të drejtojë, duke marrë parasysh edhe rolin që ka në Bashkinë e Tiranës, si këshilltare për çështjet sociale, mendojmë se do të jetë ndonjë program i këtij lloji.
Ka pasur goxha kalime nga televizioni në televizion këto kohë, dhe pjesë e këtyre ndryshimeve është bërë edhe Valbona.
NDIQE LIVE "PANORAMA TV" © Panoramaplus.al
