Aktorja ruse Kamila Beliatskaya, ka vdekur tragjikisht pasi u përfshi nga dallgët teksa po bënte joga në shkëmbinjtë e një plazhi në Tajlandë.
Në disa foto të publikuara 24-vjeçarja, Beliatskaya, shihet duke bërë joga ndërsa rreth saj dallgët janë ngritur disa metra lart.
Në foton e dytë shihet vetëm tapeti i saj rozë i përdorur nga 24-vjeçarja për të medituar.
Një banor vendas u zhyt në ujërat e ishullit Koh Samui për të shpëtuar 24-vjeçaren, por që atëherë ai është zhdukur shkruajnë mediat e huaja.
Aktorja pak para ngjarjes kishte informuar ndjekësit e saj në rrjetet sociale për mbërritjen e saj në ishull dhe për gëzimin e saj që ndodhej në zonë.
Edhe pse ekipet e shpëtimit mbërritën në vendngjarje vetëm 15 minuta pasi 24-vjeçarja u përfshi nga dallgët, ata nuk mundën të bënin asgjë për ta shpëtuar atë.
