Zbulohet arsyeja e vërtetë e ndarjes së Kim Kardashian dhe Kanye West!

Kim Kardashian firmosi letrat e divorcit më 19 shkurt, duke u ndarë përfundimisht nga Kanye West, pas gjashtë vitesh martesë.

Ata kanë rënë dakord për kujdestarinë e përbashkët të katër fëmijëve: North, Saint, Chicago dhe Psalm, shkruan “E! News”.

Sipas një burimi pranë dyshes, ndarja ka qenë shumë miqësore.

Kim kishte një vit që përpiqej të shpëtonte martesën me reperin, prandaj ata kishin shkuar edhe në terapi, për të marrë këshilla se si të vepronin.

Por çfarë e solli ndarjen në të vërtetë?

Sipas një burimi, e vetmja arsye që çoi në këtë vendim, ishte lidhja e Kim, pas përpjekjeve të njëpasnjëshme për ta shpëtuar martesën.

Thuhet se po realizohet një parapërgatitje sa i takon ndarjes së parave, pronave apo sendeve me vlerë dhe se të dyja palët kanë rënë dakord të ndodhë diçka e tillë dhe madje asnjëri prej tyre nuk po e konteston marrëveshjen.

Sipas “Forbes”, Kim vlerësohet të ketë 900 milionë dollarë pasuri, prej bizneseve të saj. Nga ana tjetër, reperi i gëzohet një vlere neto që kap shifrën 1.2 miliardë dollarë.

Pak para dasmës së tyre në vitin 2014, dyshja punësoi avokatë për të përgatitur një dokument paraprak në rast divorci. Sipas burimeve që folën asokohe me “RadarOnline” themeluesja e “Skims” do të merrte 1 milion dollarë për çdo vit që kishte qëndruar e martuar, në rast ndarjeje.

Po kështu, Kardashian pritet të mbajë edhe shtëpinë e tyre në Bel Air, e cila u vu nën emrin e saj, pavarësisht se Kanye pagoi për pjesën më të madhe. Nisur nga çfarë u deklarua dikur, nëse ndodhte divorci, Kim gjithashtu do të përfitonte të gjitha dhuratat e kushtueshme dhe bizhuteritë që iu dhanë nga Kanye, duke përfshirë një çantë “Hermes” të pikturuar me dorë që kushton 40,000 dollarë, disa rrathë “Cartier” me vlerë të paktën 35,000 dollarë secili dhe një “Mercedes-Benz G550 SUV” me vlerë së paku 227,000 dollarë.

Kim do të përvetësojë edhe paratë që fitoi nga linja e veshjeve “Kardashian”, “SKIMS”, “KKW”, pasi ato konsiderohen të ardhurat e saj personale dhe të ndara nga ish-bashkëshorti.

Kim dhe Kanye u martuan në 24 maj të vitit 2014, pas një romance që nisi në prill të vitit 2012.