Agron Shehaj kërkoi sot në Kuvendin e Shqipërisë interpelancë me ministren e Shëndetësisë, Albana Koçiu, për skandalin e Onkologjikut lidhur me mungesën e ilaçeve.
Teksa i prezantoi shembujt e qytetarëve për eksperiencat e këqija te onkologjiku, Shehaj kërkoi që ministrja të japë llogari për këtë skandal.
Shehaj tha se qeveria ka vjedhur paratë e ilaçeve, që sipas tij i kanë përdorur pushtetarët për të ndërtuar resorte.
“Duhet të garantoni ilaçet në spitale. Të tregova dëshminë e babait që humbi djalin. Nuk e kishim lënë që të flisnim me raste. Duhet të fillojmë të flasim me raste, jo me broçkulla. Raste ka pafund. Ata që shkruajnë në rrjetet sociale janë njerëz dhe qytetarë. Tregojnë rastet e tyre. Pyeta qytetarët për çfarë ta pyes. Sepse thoni është çdo gjë falas. Doni raste të tjera”, tha deputeti Shehaj.
Shehaj kërkoi nga ministrja edhe deputetët e tjerë të mazhorancës që të mos mbrojnë një ish-ministër si Ilir Beqaj që akuzohet për korrupsion.
Në përgjigjen e saj ministrja Koçiu tha se kushdo që shkel ligjin do të përballet me drejtësinë, pavarësisht postin që ka nëse është ministër, drejtor apo farmacist.
Koçiu tha se ministria e shëndetësisë dhe mbrojtjes sociale ka rritur inspektimet dhe kontrollet mbi subjektet farmaceutike dhe se në vitin aktual kanë kryer afërisht 500 inspektime ku dhe janë aplikuar masat administrative në raport me shkeljet e konstatuara.
Ministrja tha se tregtimi në farmacitë e rrjetit të hapur të barnave për përdorim spitalor përbën shkelje të rëndë të legjislacionit.
Albana Koçiu: Ministria e shëndetësisë është e gatshme për të gjitha institucionet. Indikacionet nuk janë prova. Për sa i përket Rastet e dyshuara për shkelje të legjislacionit në fuqi për tregtimin e barnave të gjitha këto raste janë objekt inspektimi nga Agjencia Kombëtare e Barnave dhe e Pajisjeve Mjekësore dhe janë objekt ndjekjeje nga organet ligj zbatuese si policia e shtetit dhe krimit i ekonomik dhe organet gjyqësore.
Ne si ministri e shëndetësisë dhe mbrojtjes sociale kemi rritur inspektimet dhe kontrollet mbi subjektet farmaceutike.Në vitin aktual kemi pothuaj 500 inspektime ku dhe janë aplikuar masat administrative në raport me shkeljet e konstatuara. Tregtimi në farmacitë e rrjetit të hapur të barnave për përdorim spitalor pa diskutim përbën shkelje të rëndë të legjislacionit. Çdo subjekt që kryen këtë shkelje do të mbajë përgjegjësi.
Kushdo që ka shkelur ligjin pavarësisht se ka një pozicion të rëndësishëm apo është i barabartë para ligjit dhe duhet të përballet me drejtësinë dhe kjo vlen njësoj si për ministra, doktorë, farmacistë këdo që shkel vijën e kuqe.
NDIQE LIVE "PANORAMA TV" © Panorama.al
