Pesë persona janë arrestuar në Spanjë në kuadër të një operacioni në disa qytete të vendit, ku u zbulua se personat në fjalë janë përfshirë në një skemë mashtrimi.
Sipas mediave të huaja, mësohet se të arrestuarit i përkisnin një organizate që mashtroi dy femra spanjolle duke i marrë 325 mijë euro, e duke i bërë të mendonin se kishin një lidhje romantike me yllin e Hollivudit, Brad Pitt.
Grupi kriminal ishte i përkushtuar në kërkimin e njerëzve të cenueshëm emocionalisht dhe në depresion, përmes një platforme virtuale të supozuar të fansave të aktorit. Dy gra nga Granada dhe Vizcaya, 60 vjeç, ranë në kurth. Ato besonin se kishin hyrë në një lidhje me ish-partnerin e Angelina Jolie pasi kishin marrë mesazhe në ËhatsApp, në të cilat mashtruesi u premtonte takime personale.
Brad Pitt i rremë gjithashtu u kërkoi atyre të investonin në projekte të supozuara për t’u shitur atyre me përfitim të madh. Mashtrimi filloi të dilte në dritë në gusht 2023, kur gruaja nga Granada paraqiti një ankesë në një komandë Benemérita pasi humbi 175,000 euro.
Viktima tjetër, ditë më vonë, u ka treguar autoriteteve se me të njëjtën mënyrë e kishin mashtruar duke i marrë 150 mijë euro. Garda Civile, e cila ka arrestuar dy drejtuesit e organizatës në provincën e Malagas dhe po heton dhjetë persona të tjerë, ka gjetur disa dokumente që përfshijnë modelin e këtij mashtrimi.
Mënyra e veprimit të mashtrimit të Brad Pitt
Organizata krijoi një rrjet llogarish bankare, pronarët e të cilave ishin njerëz të pambrojtur nga vendet afrikane. Ata merrnin paratë dhe i transferonin në llogari të tjera për pastrim të mëvonshëm. Agjentët kanë sekuestruar disa telefona celularë, karta bankare, kompjuterë ose dokumentacion të mënyrës së funksionimit të tyre të veçantë, si raportet psikologjike të viktimave apo mesazhet që u kanë dërguar.
“Dashuria ime për ty është e vërtetë. Të lutem më fal, unë të dua dhe jam shumë i dashuruar me ty”, thuhej në mesazhe.
Të arrestuarit përballen me disa krime, si mashtrim i kualifikuar, pastrim parash, falsifikim dokumentesh dhe anëtarësim në një bandë kriminale. Lajmi i mirë është se agjentët kanë arritur të lokalizojnë dhe rikuperojnë 85 mijë euro nga paratë e mashtruara.
NDIQE LIVE "PANORAMA TV" © Panorama.al
