Kombëtarja e Shqipërisë pret sot Çekinë në stadiumin “Arena Kombëtare”. Një sfidë kjo e vlefshme për Ligën e Kombeve, ndërsa Jasir Asani është një prej lojtarëve që pritet titullar nga Silvinjo.
Asani ka folur në prag të këtij takimit, ndërsa nuk harron tifozët. Sulmuesi i Kombëtares deklaroi:
“Po kaloj një formë shumë të mirë tek ekipi, çdo stërvitje, çdo ndeshje po bëj maksimumin që të jemi në formë më të mirë për Kombëtaren. Nuk ka rëndësi kush shënon unë, sulmuesit e tjerë, apo mesfushorët, por të shënojmë dhe të marrim 3 pikët.
Do të jetë stadium plot me tifozë dhe duhet të vijnë që të na mbështesin, pasi na duhet mbështetja e tyre. Tifozët meritojnë çdo gjë, fitore çdo ndeshje. Nëse futemi me mentalitet fituesi dhe të jemi të gjithë bashkë, besoj se do t’ia dalim. Kemi një Kombëtare shumë të fortë sidomos në shtëpi jemi shumë të fortë”, u shpreh Asani për TV Klan.
PANORAMASPORT.AL
NDIQE LIVE "PANORAMA TV" © Panorama.al
