Ish-kryeministri Sali Berisha është shprehur se Partia Demokratike do të kalojë në sulm nga 6 Tetori, datë kur është thirrur edhe protesta kombëtare.
Berisha theksoi se beteja e Partisë Demokratike nuk do të ndalet deri në formimin e një qeverie teknike.
Ai theksoi se mosbindja civile është rruga me të cilën PD do të realizojë qëllimet e saj, por shtoi se “nuk jemi për forma ekstreme”.
Sali Berisha: Nga data 6 PD kalon në sulm, në një betejë të pandalshme, përqendron potencialet e saj në sulmin për qeveri teknike.
Mosbindja civile është një univers masash të përshkruara me hollësinë manuale të mosbindjes civile, do të përdoren të gjitha masat deri në realizimin e qëllimit të plotë deri në realizimin e qeverisë teknike.
Mosbindja civile është rruga me të cilën PD do të realizojë qëllimet e saj, nuk jemi për ato forma ekstreme.
Sali Berisha do të qëndrojë fuqishëm kundër këtij regjimi me bindjen e plotë se kjo betejë do të fitohet.
NDIQE LIVE "PANORAMA TV" © Panorama.al
